Caturdashi p38

p38

saptamyāṃ trayodaśyāṃ pratipatṣaṣṭhīekādaśīṣu janmadine sandhyayoḥ udayāstayoḥ tilatarpaṇaṃ na kuryāt | kevalaṃ tu kuryādeva | kvacijjanmakṣatre'pi | tasyedamupalakṣaṇam | smṛtyarthasāre— saptamyāṃ ravivāre ca janmarkṣadivaseṣu ca | gṛhe niṣiddhaṃ satilaṃ tarpaṇaṃ tadbahirbhavet || nirṇayāmṛte— bhānau bhaume trayodaśyāṃ nandābhṛgumaghāsu ca | piṇḍadānaṃ mṛdā snānaṃ na kuryāttilatarpaṇam || marīcirapi— saptamyāṃ ravivāre ca gṛhe janmadine tathā | bhṛtyaputrakalatrārthī na kuryāttilatarpaṇam || pakṣayorubhayo rājan saptamyāṃ niśi sandhyayoḥ | vidyāputrakalatrārthī tilān pañcasu varjayet | nimbasya bhakṣaṇaṃ tailaṃ tilaistarpaṇamañjalim | saptamyāṃ naiva kurvīta tāmrapātre ca bhojanam | niṣedhe kvacit kālaniyamaḥ | nodvāhahvati | vivāhe varṣamekam, upanayane ṣaṇmāsaparyantam, caule māsatrayam, vivāhe copanayane caule sati yathākramam | varṣamardhaṃ tadarthaṃ ca netyeke tilatarpaṇam