Caturdashi p54
Caturdaśī p54
- Language
- Sanskrit
p54
yadāha laugākṣiḥpuṣpavatsvapi dāreṣu videśastho'pyanagnikaḥ | annenaivāndikaṃ kuryāddhemnā nā''mena vā kvacit || marīcirapianagniśca pravāsī ca yasya bhāryā rajasvalā | āmaśrāddhaṃ prakurvīta na kuryāttanmṛte 'hani || iti | idamekastrīviṣayam | stryantare tu sahādhikārā'napāyāt amāvāsyādiśrāddhaṃ bhavatyeva tanmṛtadine | yadā tu aputrā strī eva kartrī rajasvalā bhavati, taduktamaputrā tu yadā bhāryā samprāpte bharturābdike | pañcame 'hani tatkuryānna kuryāttanmṛte'hani || yasya bhāryeti yacchabdena bharttā na nirdiśyate kintu sampradānakartuścet strīrajastadā'sminneva dine pākenaiva karttavyam | saṅgrahakāro'pyāhavideśago vā vigatāgniko vā rajasvalāyāmapi dharmapatnyām | śrāddhaṃ mṛtāhe vidadhīta pākairāmena hemnā na tu pañcame'nhi