Dashashloki (Vedantakamadhenu) p25

p25

dvividhaḥ sāmānyaviśeṣabhedāt | tatra viśeṣā ucyante | tatra tāvat svarūpajñānavirodhino hyātmā'jñānadvārā bhagavatprāptipratibandhakāḥ ātmasvarūpānyathābhāvadāḍharyahetutvāt | dehendriyamanobuddhyādiṣvanātmasvātmatvādhyavasāyaḥ śrībhagavantaṃ guruṃ cettarhyātmano'nyapāratantryābhimānaḥ ātmano bhagavadīyatve'sambhāvanādiśrutismṛtyātmakabhagavadīyājñānopekṣā anyadevārcananamaskārādi asacchāstrābhilāṣā ātmasvātantryabhāvena ahaṅkāramamakārabhāvadāḍharya cetyevamādayaḥ | tathā caasūryā nāma te lokā andhena tamasā vṛtāḥ | tāṃste pretyābhigacchanti ye ke cātmahano janāḥ | “na veda vedīnmahatī vinaṣṭi” rityādiśruteḥ | yonyathā santamātmānamanyathā pratipadyate || kintena na kṛtaṃ pāpaṃ caureṇātmāpahāriṇā | iti smṛteśca || 1 || kiñca bhagavati devāntarasāmyabhāvaḥ brahmāśivādidevāntaravarge parattvabuddhiḥ śrībhagavadavatāreṣu mānuṣyatiryaktvādibhāvaḥ bhagavadarcādivigraheṣu śāligrāmādiṣu pāṣāṇalohamayatvācenatvādibhāvaḥ bhagavadīyayantrādau śabdasāmānyabhāvaḥ bhagavadīyagāthāyāṃ laukikākhyānasādṛśyakalpanā anantānavadyasvābhāvikācintyayāvadātmabhāvikalyāṇaguṇasāgare parabrahmaṇi śrīvāsudeve nirguṇatvamāyikaguṇavattvādibhāvanā cetyādayo bhagavatsvarūpatirodhānena tatprāptipratibandhakāḥ ‘yo svāṃ devatāmatiyajati parasvāyai devatāyai cyavate na parāṃ prāpnoti pāpīyānbhavati tamevaikaṃ vijānatha ātmānamanyathā vāco vimuṃcathe’tyādiśruteḥ | prājāpatismṛtauyasya deve parā bhaktiryathā deve tathā gurau | tasyaite kathitā hyarthāḥ prakāśante mahātmanaḥ