Dashashloki (Vedantakamadhenu) p34

p34

pusāṃ jaṭābharaṇamauḍhyavatāṃ vṛthaiva vedoktaṃ yaḥ parityajya dharmamanye prakurvataṃ | tatsarvaṃ tava daityendra matprasādādbhaviṣyati || ityādivākyebhyaḥ anvayavyatirekagarbhitebhyaḥ kṛtaghnatvaṃ tathāha| manuḥgoghne caiva surāpe ca caure bhagnavrate tathā | niṣkṛtirvihitā sadbhiḥ kṛtaghne nāsti niṣkṛtiḥ || satkṛtāśca kṛtārthāśca mitrāṇāṃ na bhavaṃti ye | tānmṛtānapi kravyādaḥ kṛtaghnānnopabhuñjate || iti || mānuṣyaṃ labdhvā tasya nirarthakaṃ śūkarādivannāśanaṃmānuṣyaṃ prāpya lokesmin mūko vā badhiropi vā | nāpakrāmati saṃsārāt sa khalurbrahmahā bhavet || vārāhe calabdhvātra mānuṣaṃ dehaṃ pañcabhūtasamanvitam | māmeva na prapadyaṃte tato duḥkhataraṃ nu kim || nārasiṃhe caśubhamidamupalabhya mānuṣatvaṃ sukṛtaśatena vṛtheṃdriyārthahetoḥ | racayati kurute na mokṣa mārge sa dahati candanamāśu bhasmahetoḥ|| iti | svavīryavikrayaṇaṃ cayathā svavāntamaśnāti śvā vai nityaṃ svabhūtaye | evaṃ te vāntamaśnanti svavīryasyāvasecanāt || iti sanatsujātavacanāt | tacca dvividhaṃ bāhyābhyantarabhedāt | bāhyaṃ parastrīgamanādi | kṛṣṇājinaparigrāhī retasaścaiva vikrayī | gajacchāyānubhoktā ca na bhūyaḥ puruṣo bhavet || iti vacanāt | dvitīyaṃ vidyādiguṇavikrayaṇaṃ | paṃḍitairarthakārpaṇyāt paṇyastrībhiriva svayam || etairvimuktaḥ kauṃteya ! tamodvāraistribhirnaraḥ | ācaratyātmanaḥ śreyastato yāti parāṃ gatim || ityantena granthena