Dashashloki (Vedantakamadhenu) p36

p36

padbhyāṃ gatā yauvaninaśca jātā dāraiśca saṃyogagatāḥprasūtāḥ dṛṣṭāḥ sutāstattanayaprasūtiṃ draṣṭuṃ punarvāñchati mentarātmā || drakṣyāmi teṣāmapi cetprasūtiṃ manoratho me bhavitā tatonyaḥ pūrṇepi tasyāpyaparasya janma nivāryate kena manorathasya || ityārabhya-yathānubhūyaḥ parihīnadoṣo janasya duḥkhairbhavitāsmi duḥkhī sarvasya dhātāramacintyarūpamaṇoraṇīyāṃsamatipramāṇam | sitāsitaṃ ceśvaramīśvarāṇāmārādhayiṣye tapasaiva viṣṇum || ityantena| dvitīyo yayātivatsadyojāyamānastathāca tenaiva gītaḥna jātukāmaḥ kāmānāmupabhogena śāmyati | haviṣā kṛṣṇavatmeva bhūya evābhivarddhate || yādustyajā durmatibhiryā na jīryati jīryataḥ | tāṃ tṛṣṇāṃ santyajetprājñaḥ sukhenaivābhipūryate || jīryanti jīryataḥ keśā dantā jīryati jīryataḥ | dhanāśā jīvitāśā ca jīryatopi na jīryati || pūrṇaṃ varṣasahasraṃ me viṣayāsaktacetasaḥ | tathāpyanudinaṃ tṛṣṇā mamaiteṣveva jāyate || tasmādetāmahaṃ tyaktā brahmaṇpādhāya mānasam | nirdvandvo nirmamo bhūtvā cariṣyāmi mṛgaiḥ saha || ityādinetyevamanyadapi bṛhanmaṃjūṣāyāṃ draṣṭavyamiti saṃkṣepaḥ | keśaśeṣādibhirdevairvadyaṃ ca vedaśāstrakaiḥ | śāstrayoniṃ jagadyoniṃ vaṃde kṛṣṇaṃ sureśvaram || iti śrīgiridharaprapannaviracitāyāṃ laghumaṃjūṣāyāṃ caturthakoṣṭhikā samāptā | śubhaṃ bhūyāt