Dashashloki (Vedantakamadhenu) p8

p8

prakṛtimaṇḍalādbhinnadeśaṃ paricchinnavaddṛśyamānamapyaparicchinnaṃ tattu viśvarūpadarśane'rjunena dṛṣṭaṃ ānandanityavibhūtiparamātmalokaparamapadādiśabdābhidheyaṃ “yo'syādhyakṣaḥ paramevyoman tiṣṭhati, tadviṣṇoḥ paramaṃ padaṃ sadā paśyaṃti sūrayaḥ | ete vai nirayāstāta lokasya paramātmanaḥ” | ityādi vacanebhyaḥ| tacca bhagavadīyānādisaṃkalpāttasya tadīyānāṃ nityamuktānāṃ ca bhogyādirūpeṇānekavidhaṃ tatra bhogyaṃ bhagavadvigrahādibhogopakaraṇaṃ ca bhūṣaṇāyudhayānāsanālaṃkārakusumapatraphalādisthānaṃ ca gopuracatvaraprākāramaṇimaṇḍapava lopavanasarovarādikam | tatreśvarasya nityamuktānāṃ ca vigrahasaṃsthānaṃ ca bhagavadīyānādyanaṃtecchāsiddhaṃ svābhāvikameva baddhamuktānāṃ tvanādisiddhairvigrahādibhiryogaḥ | na tvatra janyatvādivikāraṃśakāpi tasya nirvikāratvāt yathotsavādisamaye prāksiddhā vastrabhūṣaṇālaṅkārādayo rājabhiḥ svabhṛtyaibhyo dīyante tathaiva prakṛtiviyogasamaye pūrvasiddhā nityāḥ sarvavikāraśūnyā vigrahādayastatsevopakaraṇarūpāḥ śrīpuruṣottamena dīyaṃte iti | śrīvigrahaśca svarūpavadanaṃtakalyāṇaguṇāśrayaḥ | guṇāśca niratiśayasauṃdaryyasaugaṃdhyakumāryādayo'parimitā anaṃtāśca | “sarvagandhaḥ sarva rasaḥ āpraṇakhātsuvarṇa” ityādi śrutibhyaḥ śrībhagavataḥ sarvadarśanagamanādiśaktimattvānna tatrendriyādivibhāgakalpanāpekṣayā gauravāt | “apāṇipādo javano gṛhīte” tyādiśrutibhyaḥ tatsāmyaṃbhajatāmapi tathaiva vyavahāraḥ “niraṃjanaḥ paramaṃ sāmyamupaitī” tyādiśruteḥ “mama sādharmyamāgatā” ityādismṛteśca | kālātītavastutvānna tatra kālaprabhāvaḥ | kālemuhūrtādimayaśca kālo na yadvibhūteḥ pariṇāmaheturiti śaturthāṃśe brahmavacanāt | atha tatpadavācyaparamātmatattvamāhasvabhāvato'pāstasamastadoṣamaśeṣakalyāṇaguṇaikarāśiy| vyūhāṅginaṃ brahma paraṃ vareṇyaṃ dhyāyema kṛṣṇaṃ kamalekṣaṇaṃ harim