Nyaya Ratnamala of Parthasarathi Misra 2.3.2
Nāyakaratna 2.3.2
- Language
- Sanskrit
2.3.2
itthamekadeśimataṃ nirākṛtya pūrvapratijñātaṃ svamataṃ pariśeṣayati-tasmāditi | avagamyate pratibhāti | aprāmāṇyamiti | avagamyata iti saṃbandhaḥ | śaṅkate-nanvadyāpīti | prathamaṃ nyāyavirodhamāha-nahīti | gṛhṇātīti | asyatyaṃprakāśātmakatvāditi śeṣaḥ | tathā ca prāmāṇyaṃ svato bhātītyanupapannamityarthaḥ | granthavirodhamapyāha-tathā ca nanviti | itthamagṛhītena pramāṇamityagṛhītena | vyavahāraḥ pravṛttiḥ | prāmāṇyagrahaṇāt pūrvaṃ jñānaṃ svarūpeṇaiva pramāṇamityagṛhītameva sthitam | adyāpi tasyāmapi velāyāṃ svakāryeṣu pravṛttyādiṣu nirapekṣaṃ sat pratyayāntaraiḥ paścāt pramāṇamiti gṛhyate | tataśca tasya svato bhānamayuktamityarthaḥ | virodhāntaramapyāha-tathā niścayātmaketi | niścayarūpavastutvāt prāmāṇyasyeti śeṣaḥ | janmaiva prāmāṇyajanmaiva | tamiti tasya svatastvam | anyathātvaṃ tu mithyājñāne nai pūrvajñānādavagamyate | kiṃtu tathātvameva | anyathātvaṃ tu paścāt bādhakapratyayādibhiravagamyata iti tasya paratastvamityarthaḥ| pratipāditārthaparānācāryaślokānāha-āha ceti |
Linked texts (1)
- Nyāyaratnamālā — Pārthasārathi Miśra, Sanskrit