Atmatattvaviveka 3.p88

Ātmatattvaviveka 3.p88

Language: Sanskrit

3.p88

pramāṇānuyogasyānuvṛtteḥ, sutatve ca parāmṛṣyamāṇe tadvinābhūtasakalavaktṛttvādidharmaprasaktau kutaḥ krama yaugapadyavirahasādhanasyāvakāśaḥ, kutastarāṃ cāvastutvasādhanasya, kutastamāṃ cāvaktṛtvādisādhanānām(1)| tasmāt pramāṇameva sīmā vyavahārasādhanasya, tadatikrame tvaniyama eveti | nahyapratīte devadattārdau sa kiṃ gauraḥ kṛṣṇo veti vaiyālyaṃ vinā praśnaḥ | tatrāpi yadyeko'pratītaparāmarśaviṣaya evottaraṃ dadāti 'gaura' iti, aparo'pi kiṃ na dadyāt 'kṛṣṇa' iti | nacaivaṃsati kācidarthasiddhiḥ, pramāṇābhāvavirodhayorubhayatrāpi tulyatvāditi

Previous: 3.p87
Next: 3.p89
Up: 3

Linked texts (1)

Nyāyabhāṣya (complete text) — Sanskrit