A Cluster of Nyāya Flowers 2.4

2.4

pratyakṣamiti lakṣyanirdeśaḥ | itarallakṣaṇam | samānāsamānajātīyavyavacchedo lakṣaṇārthaḥ | samānajātīyaṃ pramāṇatayā anumānādi, vijātīyaṃ prameyādi, tato vyavacchinnaṃ pratyakṣasya lakṣaṇamanena sūtreṇopapādyate |
pratyakṣalakṣaṇe sūtritārthaviṣaye pūrvapakṣaḥ atra codayanti indriyārthasannikarṣotpannatvādiviśeṣaṇaiḥ svarūpaṃ vā viśiṣyate, sāmagrī vā, phalaṃ vā | tatra svarūpaviśeṣaṇapakṣe yad evaṃsvarūpaṃ jñānaṃ tatpratyakṣamiti tatsvarūpasya viśeṣitatvāt phalaviśeṣaṇānupādānācca lakṣaṇamavyāptyativyāptibhyāmupahataṃ syāt | avyāptistāvad atathāvidhasvarūpasya bodhasyendriyādeśca
ghore jagajjalanidhau bhavato yayāmī majjanti na smṛtipathapratipannayāpi | sā kāpyacintyacaritasya vicitrarūpā śaktirjayatyuḍupakhaṇḍabhṛto bhavasya || prajñonmeṣapaṭu prapañcaya vaco bauddha, tvamapyudbhaṭāñcārvāka svavikalpajālajaṭilāḥ svairaṃ giraḥ sphāraya | re mīmāṃsaka sāṅkhya jaina bhavatāṃ yat sammataṃ brūhi tat svātantryānmama rocate na hi na hi tryakṣādṛte'nyaḥ prabhuḥ ||
oṃ namaḥ śivāya | atathāvidhasvarūpasyeti | saṃśayaviparyayātmakasyetyarthaḥ |