A Cluster of Nyāya Flowers 5.p7

5.p7

urvaśīviyoge kṛtamaraṇādhyavasāyaṃ vihitaprapātapātasthaṃ niścitahiṃsraprāṇiśarīrapradānaṃ rājānaṃ purūravasaṃ munirniṣedhati he purūravaḥ mā mṛthāḥ prāṇām mā tyākṣīḥ, mā ca prapapta prapātapātaṃ mā ca kṛthāḥ, mā ca patitaṃ santaṃ tvāṃ vṛkā hiṃsrāḥ prāṇinaḥ aśivā bhīṣaṇāḥ kṣan vadhiṣuḥ, yataḥ strīkṛte bhavataitat sarvaṃ kriyate na ca tāsāṃ strīṇāṃ sambandhīni sakhyāni prītayaḥ santi | na sthirasnehā yoṣita ityarthaḥ | sālāvṛkāṇāṃ markaṭānāṃ hṛdayaṃ cittamiva calā hyetā iti | prapapta iti sibbū-aṅi ‘pataḥ pum” iti pumāgame ca rūpam, u ityanarthako nipātaḥ, kṣanniti hanterghaślādeśe luṅicchāndasaṃ rūpam | evaṃ cādimataḥ pūrvamanuṣṭhitasyārthasyābhidhānād vedasyāpyādimattvam, asatyarthe tadabhidhānāsambhavāt, evaṃvidhārthapaścādbhāvitvaṃ vedasyeti | teṣāmanyathā vyākhyānaṃ tviti | tathā ca prāvāhaṇirityasya vyākhyāntaraṃ kṛtam | pravahatīti prāvāhaṇirvāyurucyate sa ca nitya eveti | taduktam “paraṃ tu śrutisāmānyamātram” iti |