A Cluster of Nyāya Flowers 1.1.141
Nyāyamañjarī 1.1.141
- Language
- Sanskrit
1.1.141
tadavinābhāvitvamiti . pramitirūpaphalāvinābhāvitvamityarthaḥ . pramātuḥ pramātṛtvaṃ, prameyasya prameyatvaṃ ca pramitisambandhanibandhanamevetyetadupapādayati—pramiṇotītīti . tathā ca pramātṛprameyayorapi sādhakatamatvāt karaṇatvamāpannamiti pramāṇaprameyādivibhāgaḥ kathamityarthaḥ . sākalyasya— sāmagryāḥ prasādāt—sāmarthyāt labdhetyarthaḥ . gauṇe iti . pramityāśrayaḥ pramātṛpadasya mukhyārthaḥ . yadā ca pramitireva notpannā tadā pramityāśrayatvam ātmano na saṃbhavati; yathā suṣuptyādau . tatra ca bhūtapūrvagatyādyāśrayaṇena pramātṛtvaṃ gauṇameva vaktavyam, apacatyapi devadatte pācako'yam ityādivaditi ..