A Cluster of Nyāya Flowers 1.2.1042
Nyāyamañjarī 1.2.1042
- Language
- Sanskrit
1.2.1042
dvitīyadṛṣṭāntasyāpyasāṃgatyamāha—pratinidhiriti . pratinidhitvamityarthaḥ . na hīti . aprasiddhasādṛśyaṃ khalu prasiddhe grāhyaṃ bhavatām . bhavati tu matireṣā brīhayastatsadṛkṣāḥ iti, na ca phalamasyāḥ kiñcidasti pratīteḥ .. 32 .. svamatopasaṃhāraḥ bhavatyaṅgaṃ yāge kvacana gavayālambhanamataḥ tadākārajñāne pratinidhiviveke ca kṛtinām . upāyatvaṃ yuṣmatkathitamupamānaṃ na bhajate; parigrāhyaṃ tasmāt pravaramunigītaṃ sumatibhiḥ .. 33 .. ityupamānam .. iti dvitīyamāhnikam .. tatsadṛkṣāḥ—nīvārasadṛśāḥ . nīvārasādṛśyaṃ brīhiṣu gṛhyate cet nīvāraprati nidhitvena brīhirgṛhyeta . adhikāvayavasāmānyayogaḥ brīhiṣu, tato nyūnaḥ nīvāreṣu ityucyate . evaṃ sati brīhisādṛśyameva nīvāreṣu gṛhyeta . varṇyate ca bhavadbhirupamāna vaiparītyeneti ..