A Cluster of Nyāya Flowers 1.2.371
Nyāyamañjarī 1.2.371
- Language
- Sanskrit
1.2.371
evañca bhāṭṭaiḥ jātivyaktyorguṇaguṇinośca bhedābhedāparaparyāyasya tādātmyasyaivāṃgīkārāt nirvikalpe sāmānyaviśeṣobhayātmakaṃ vastu bhāsata ityaṅgīkriyate . tathoktamākṛtivāde—tena nātyantabhedo'pi syātsāmānyaviśeṣayoḥ iti . ata eva śatadūṣiṇyāṃ nirviśeṣaviṣayanirvikalpabhaṃgavāde—jātiguṇādiviśiṣṭameva dravyaṃ nirvikalpe bhāsate . parantu jātiguṇādyātmakamapi vastu na tathā nirvikalpe vivicyate . vikalpe tu tadeva jātiguṇādyātmanā vikalpyate iti abhihitam . idaṃ ca mataṃ kaumārilānāmiti tadvyākhyāyāṃ caṇḍamārute mahācāryairuktam . adhikamanyatra grāhyam ..