Pramāṇa · Search · About · API

A Cluster of Nyāya Flowers 1.4.505-507

Nyāyamañjarī 1.4.505-507

Language
Sanskrit

1.4.505

athavā naiyāyikānāmanekaprakārapuruṣātiśayavādināṃ yathāśrute'pyarthe nātyantamasaṃbhavaḥ . rudrasya ruditāt rajatajanma, prajāpatervapotkhedaḥ, taddhomāt tūparapaśūdgamaḥ, devānāṃ devayajanādhyavasāne diṅmoha ityevaṃjātīyakamapi satyamastu ! ko doṣaḥ ? tatsarvathā nārthavādā na pramāṇam ..

1.4.506

evaṃ stenaṃ mano'nṛtavādinī vāk iti gauṇa eṣa vādaḥ . pracchannatayā stenaṃ mana ucyate . bāhulyābhiprāyeṇa cānṛtavādinī vāk iti ..

1.4.507

dhūma evāgnerdivā dadṛśe nārcirarciraivāgnernaktaṃ dadṛśe na dhūmaḥ tai. brā. 2-1-2 iti dūrabhūyastvābhiprāyeṇa kasmaicit prayojanāya sāyaṃprātarhomadevatāstutaye kathyate ..

Commentaries (1)