A Cluster of Nyāya Flowers 2.4.342-343
Nyāyamañjarī 2.4.342-343
- Language
- Sanskrit
2.4.342
nanu ! pūrvasūtravyākhyātena phalagrahaṇenaiva duḥkhasyopadiṣṭatvāt kimartha punarupadeśaḥ ? sukhapratyākhyanārtha iti cet—na—pūrvāparavirodhāt . sakalaprāṇabhṛdanubhavasākṣikatvena ca sukhasya pratyākhyātumaśakyatvāt . tatpratyākhyāne ca vivakṣite kimarthaṃ prameyasūtre phalapadopādānam ? phale khalu sukha duḥkhe iti vyākhyātam . tataśca sukhe pratyākhyāte duḥkhamevāvaśiṣyate . taccānena duḥkhaśabdenaiva nirdiṣṭamiti kiṃ phalagrahaṇena ?
2.4.343
ucyate—na sukhaleśasya saṃsāre jantubhirantarā'ntarā'nubhūyamānasya pratyākhyānāya duḥkhagrahaṇam . kintu sarvatra tathātvabhāvanopadeśārtham . so'pi hi sukhalavaḥ duḥkhameveti bhāvayitavyaḥ, tatsādhana duḥkhameveti mantavyam ..
Commentaries (1)
- Nyāyamañjarīgranthibhaṅga — Cakradhara, Sanskrit