A Cluster of Nyāya Flowers 58.p50

Nyāyamañjarīgranthibhaṅga 58.p50

Language: Sanskrit

58.p50

nanu ca pūrvasūtrākhyātena phalagrahaṇenaiva duḥkhasyopadiṣṭatvāt kimarthaṃ punarupadeśaḥ, sukhapratyākhyānārthamiti cet, na, pūrvāparavirodhāt, sakalaprāṇabhṛdanubhavasākṣikatvena ca sukhasya pratyākhyātumaśakyatvāt | tatpratyākhyāne ca vivakṣite kimarthaṃ prameyasūtre phalopādānam ? phale khalu sukhaduḥkhe iti vyākhyātam, tataśca sukhapratyākhyāne duḥkhamevāvaśiṣyate taccānena duḥkhaśabdenaiva nirdiṣṭamiti kiṃ phalagrahaṇena ? ucyate, na sukhaleśasya saṃsāre jantubhirantarāntarānubhūyamānasya pratyākhyānāya duḥkhagrahaṇam, sarvatra tathātvabhāvanopadeśārthaṃ sannapi sukhalavo duḥkhameveti bhāvayitavyastatsādhanamapi sarvaṃ duḥkhameveti mantavyam |

Previous: 58.p49
Next: 58.p51
Up: 58

Linked texts (1)

Nyāyamañjarī — Jayanta Bhaṭṭa, Sanskrit