Nyayaparishishta 1.p124

1.p124

jātyuttarasya dūṣakatvena parābhimatasya dūṣakatvakhaṇḍanaṃ śāyatana^10miva vaktumupakramateduṣṭatvamūlaṃ tviti | sādhāraṇaṃ sarvāsu jātiṣu vartamānam | asādhāraṇaṃ kvacidvartamānaṃ, ^11vartamānañca kutaściditi | yuktāṅgahīnatvaṃ niyamarahitatvam | ayuktāṅgādhikatvaṃ niyamarahitasya gamakatvam | aviṣayavṛttitvaṃ satpratipakṣasya dūṣaṇasya agṛhyamāṇaviśeṣo viṣaya iṣṭaḥ | na gṛhyamāṇaviśeṣo'pi | so'pi viṣaya ityaviṣayaḥ | aviṣaye vartamānatvamityarthaḥ | yuktāṅgahīnatvapradarśanena sākṣādayuktāṅgādhikatvāviṣayavṛttitve api sūcite | ata evāha — sūtramiti | ayuktāṅgādhikatvāviṣayavṛttitvayoḥ sūcanadityarthaḥ | nanu jātyuttareṇa pratyavasthite vādini vādinā kathaṃ pratyuttarāyitavyaṃ, kiṃ gotvādgosiddhivadityādi sūtrapāṭhena (?) | atha jātyuttaraṃ etat iti vā | ubhayathāpi dūṣaṇoddhārāpratīteritdhata āha — ihaivamiti | ubhayamiti jātiḥ sādhanañcetyarthaḥ | jātiprayogeṇa