Nyayaparishishta 1.p157

1.p157

eva doṣaḥ, apekṣāyāṃ asiddhirvā? na prathamaḥ, tathābhūtenāpi pradīpena lokavyavahārasya siddhestathātvāttathātvavicāreṇa parīkṣakavyavahārasya siddheḥ | anutthānaṃ vottarasya | dvitīyetu kimasiddhāpekṣāyāmasiddhiḥ, siddhāpekṣāyāmapi vā prathame siddhasādhanaṃ, dvitīye tu sūtramuttaram | tathā'bhyupagame tasyāpyasiddhervyāghātaḥ | tadidamaviṣayavṛttitvam | anavasthā hi dūṣaṇaṃ bhavatyeva na tu siddhaviṣayeti | atha pratidṛṣṭāntasame(sū) pratidṛṣṭānta hetutvenāheturdṛṣṭāntaḥ || ihaivaṃ pratyuttarakramaḥ | kiṃ pratidṛṣṭāntasyādhikabalatvaṃ matvā tena dṛṣṭāntasya bādhaścodyate anyathā vā | nādyaḥ, sādhanaprayuktasādhyadharmavattāmavadhīrya vādiprativādivivakṣitadharmavattāmātreṇa dṛṣṭāntayorviśeṣābhāvāt | na dvitīyaḥ, ko hi tulyabalayorbādhyo bādhako vā | tathā svīkāre dṛṣṭāntenaiva pratidṛṣṭāntabādho'bhyupagantavyaḥ syāditi vyāghātaḥ | tadidaṃ sādhāraṇaṃ duṣṭatvamabhidheyam | sūtrasya