Nyayaparishishta 1.p184

1.p184

same pūrvatra siddhāt svasādhanāt svapakṣasiddhayeti tātparyam | uttaratra tu svasādhanenaiva svasādhanasiddhayeti | kimityadhyāhāra iti cet, anyathā 1rthāsambhavāt | na hi pratisādhanena bādhapratirodhābhyāṃ prakārāntaramasti | bādha evaikatra prati2sandhānenānyatra pratipakṣa3siddheriti cet, na, viparītasādhanaṃ bādhanamiti paryāyatvāt | pratipakṣasiddheśca sādhyāntarābhāvāt | tadiyamevaṃ pravartate—anityaḥ śabdaḥ kāryatvādityukte yadyanityapakṣe pramāṇaṃ kāryatvamastītyanityaḥ, nanu nityapakṣe'pi 4pramāṇaṃ kiñcidbhaviṣyati, maduktatvāt, 5 tvatpakṣamatpakṣayoranyataratvāt, prakṛtasandehaviṣayatvāt| vipratipattiviṣayatvāt | madbuddhiviṣayatvān ityevamādiḥ 6 bṛhaspatimattānuśiṣṭamanyadapi hetujātaṃ pratisandheyam | tathā ca tvatpakṣasya bādhaḥ, pratirodho veti 7 | tat asyāḥ sāmānyataḥ pramāṇasambhāvanādvāraṃ, hetudūṣyaḥ, bādhapratirodhāvāropyau, tadābhāsā ceyamiti