Nyayasutra 10.1

Vivaraṇa of Rādhāmohana Vidyāvācaspati Gosvāmin 10.1

Language: Sanskrit

10.1

atra ca sādharmyādīnāṃ kāryāntānāṃ dvandve taiḥ samā ityarthāt sādharmyasamādayaścaturviṃśatirjātaya ityarthaḥ | atra jāterviśeṣyatvāt samāśabdaḥ strīliṅga iti | agrimasūtreṣu samaśabdaḥ puṃliṅga iti tatra pratiṣedho viśeṣya iti bhāṣyādayaḥ| kecittu tadvikalpāditisūtrasthavikalpasyaiva viśeṣyatvam| tathā caite sādharmyasamādayo jātivikalpā jātibhedā ityarthaḥ | evamagrimasūtreṣvapītyāhuḥ | samīkaraṇārthaṃ prayogaḥ sama iti vārttikam | yadyapi naitāvatā samīkaraṇaṃ tathāpi samīkaraṇoddeśyakatvamastyeva |
sādharmyavaidharmyasamau lakṣayati |

Previous: 9.50
Next: 10.2
Up: 10

Linked texts (1)

Nyāyasūtra — Akṣapāda Gautama, Sanskrit