Nyayasutra 1.4.3

1.4.3

pratyavasthānam, abuddhipūrvake jātiprayoge nimittābhāvāt | buddhipūrvake'pi kathaṃ tathāvidhena parabuddhivyāmohanam | vyāmohane vā sarveṇa sarvatrotkarṣādikamupanyasyete [ta] | sādhyaḥ pakṣaḥ, dṛṣṭānto vyāpyavyāpakavattayā'vadhāritaḥ, dharmavikalpo dharmavaicitryam | sattvāsattvamiti yāvat | tadasya ṣaṭkasyetaravyāvṛttānugatarūpajijñāsāyāṃ dharmavaicitryamutkarṣādiṣvanyathā darśanīyamatastat prakaraṇāthavicchedakaṃ yadyapi na bhavati, tathāpyutkarṣādiṣu vaicitryasya nānāprakārakasya vaicitryeṇaiva sāmānyena rūpeṇa samastaviśeṣapratipādanam | yogyatayā cotkarṣādau kvacit kiñcit vaicitryamanveti | āvṛttyā vā pratyekamutkarṣādiṣu vaicitryabhedānāṃ pratipādanam | parasya vayā [vākyārtha]jñānadvārā dharmavikalpasya hetutvam | sādhyadṛṣṭāntayordharmaḥ, tasya vikalpo vaicitryam, tasmādaniṣṭaprayojana[0ṣṭaprasañjana] mityarthaḥ | kva prasañjanamityapekṣāyāṃ sādhyadṛṣṭāntayorityanvīyate | upasthitatvāt | kecittu sādhyadṛṣṭāntayoriti saptamī | dharmasyāśrayāpekṣāyāṃ sādhyadṛṣṭāntayorevānvayaḥ, tata evetyāhuḥ |