Commentary on the Nyāyasūtra 477.4
Text of the Tokyo Indology Student Team 477.4
- Language
- Sanskrit
477.4
ubhayena nityena cānityena ca sādharmyāt pakṣapratipakṣayoḥ pravṛttiḥ prakriyā/ anityaḥ śabdaḥ prayatnānantarīyakatvād ghaṭavad ity ekaḥ pakṣaṃ pravarttayati, dvitīyaś ca nityasādharmyāt pratipakṣaṃ pravarttayati --- nityaḥ śabdaḥ śrāvaṇatvāt śabdatvavad iti/ evaṃ ca sati prayatnānantarīyakatvād iti hetur anityasādharmyeṇa ucyamāno na prakaraṇam ativarttate, prakaraṇānativṛtter nirṇayānativartanam/ samānaṃ caitan nityasādharmyeṇocyamāṇe hetau/ tad idaṃ prakaraṇānativṛttyā pratyavasthānaṃ prakaraṇasamaḥ/ samānaṃ caitad vaidharmye 'pi, ubhayavaidharmyāt prakriyāsiddheḥ prakaraṇasama iti//16//