The Bud of Nyāya 1.22

Nyāyakalikā 1.22

Language: Sanskrit

1.22

vipratipattirapratipattiśca nigrahasthānam | nigrahaḥ parājayaḥ
tasya sthānam āśrayaḥ kāraṇamityarthaḥ | kiñca parājayakāraṇam | vipratipattirapratipattiśca | viparītā kutsitā garhaṇīyā
pratipattiḥ | sādhanābhāse sādhanabuddhiḥ, dūṣaṇābhāse dūṣaṇabuddhiḥ
apratipattistu ārambhaviṣaye'nārambhaḥ | ārambhasya viṣayaḥ
sādhanasya jñāpanaṃ dūṣaṇasyoddharaṇaṃ tayorakaraṇamapratipattiḥ
dvidhā hi vādī parājīyate yathā vaktavyamapratipadyamāno viparītaṃ
vā pratipadyamāna iti | vipratipattyapratipattibhedād dvāviṃśatirnigrahasthānāni

Previous: 1.21
Next: 1-2
Up: 1

Linked texts (1)

Nyāyamañjarī — Jayanta Bhaṭṭa, Sanskrit