Tarkikaraksha 2.15-2

2.15-2

asattvānnāsti sambandhaḥ kāraṇaiḥ sattvasaṅgibhiḥ
asambandhasya cotpattimacchato na vyavasthitiḥ || iti
svavyāghātakatvamanayoḥ sugamameva pratiṣedhakahetāvapi dūṣyaṃ prāpya vā aprāpya vetyādiprasaṅgasya durvāratvāt | asādhāraṇaṃ tu prāptisamāyā ayuktāṅgādhikatvaṃ kṛtipakṣe sādhyaprāpterayuktāyā eva svīkārāt
ayuktiścāprāptereva daṇḍādibhirghaṭādiniṣpattidarśanāt | jñaptipakṣe tu liṅgasya tāvalliṅginā pratibandhalakṣaṇā prāptirasti | liṅgajñānasyāpi tadvyāptaviṣayilakṣaṇā liṅginā prāptirastyeva | sākṣādviṣayaviṣayilakṣaṇā nāstīti cet | tarhyayuktāṅgasvīkāraḥ liṅgajñānasya sākṣāt sādhyadharmaviṣayatvasyānaṅgatvāditi
aprāptisamāpyetena nirastaivāyuktāṅgaśca vyāptilajñaṇāyāḥ prāpteranaṅgīkārāt | sākṣāt sambandho'ṅgamitri
cet tarhyanaṅgāṅgīkāraḥ | abhicārakarmaṇā bhrātṛvyamāraṇādau sādhyamāne dṛṣṭametat | yat sākṣādaprāptamapi
sādhanaṃ bhavatīti tadetat sarvamabhisandhāyoktaṃ ghaṭādiniṣpattidarśanāt pīḍane cābhicārādapratiṣedha iti
kecittu sādhanaviśeṣaḥ sādhyaviśeṣeṇa vyāpto na vā
na cet na taṃ gamayedatiprasaṅgāt vyāptaścedvāptigrahaṇasamaya eva liṅgiviśeṣasyāpi jñātatvādanarthakamanumānamiti pratyavasthānaṃ prāptisamaḥ | aprāptisamastu
liṅgaparāmarśasya karaṇatvāt | karaṇānāṃ ca karmapratyāsattyavaśyambhāvāt sādhyaviśeṣaprāptirvaktavyā | sā
cātra nāstīti pratyavasthānamiti lakṣayanti | anayorapyuktalakṣaṇakakṣīkārāt tadavāntaraviśeṣatvamaṅgīcakrurācāryāḥ