Andhakaravada 3.p173

3.p173

andhakārasthaghaṭādiṣu tu nṛcakṣuḥ prati māyayā tamojananāt tadeva viṣayīkriyate, natu viṣayaḥ tadāvṛtatvāt. evañca viṣayālokasaṃyogasya sahakāritāpi na kalpanīyā, abhāsvaradravyacākṣuṣatvāvacchinnaṃ prati dūratvavyavadhānābhāvādiviśiṣṭasya viṣayatayaiva nirvāhād, ‘‘yathāhi bhānorudayo nṛcakṣuṣāṃ tamo nihanyād na tu tad vidhatte’’ (bhāga.purā.11|28|34) iti vākye bhagavatā sūryodayasya nṛcakṣuḥ-sambandhi-tamonivārakatvenaiva kathanena ālokasaṃyogasya viṣayādisaṃskārakatāyāḥ viruddhatvāt, evañca ulūkabiḍālādīnām ālokasaṃyogābhāve vastucākṣuṣamapi anukūlībhavati, tamastu padārthāntarameva na tejo'bhāvaḥ, ‘‘andhakāro'striyāṃ dhvāntam’’ (ama.ko.1|8|3) ityādi-bhedapāṭhāt, ‘‘hṛtarūpantu tamasā vāyau jyotiḥ pralīyate, svatejasāpibat tīvramārmaprasvāpanaṃ tamaḥ’’ (bhāga.purā.11|3|14) iti vadhyaghātakavirodhakathanāt ca.