Andhakaravada 3.p251

3.p251

tathāhi "satyaṃ jñānam anantaṃ brahma... tasmād vā etasmād ātmanaḥ ākāśaḥ sambhūtaḥ, ākāśād vāyuḥ, vāyoḥ agniḥ, agneḥ āpaḥ, adbhyaḥ pṛthivī, pṛthivyāḥ oṣadhayaḥ, oṣadhībhyo annam, annāt puruṣaḥ. savā eṣa puruṣo annarasamayaḥ" (taitti.upa. 2|1) ityatra ākāśādipuruṣāntānāṃ kramaśau brahmopādānakatāpi nirūpitaiva. tasyaitasya brahmopādānakasya ākāśasya 'brahma'padavācyateva brahmatayā upāsanāpi śrutau nirūpitaiva. tathāhi "evameva asmād ātmanaḥ sarve prāṇāḥ sarve lokāḥ sarve devāḥ sarvāṇi bhūtāni vyuccaranti", "ākāśo vai nāma nāmarūpayoḥ nirvahitā. te yad antarā tad brahma" (bṛha.upa. 2|1|20, chāndo.upa. 8|14|1) iti, "sa ya ākāśaṃ brahma iti upāste... yāvad ākāśasya gataṃ tatra asya kāmacāro bhavati" (chāndo.upa. 7|12|2) iti ca.