Andhakaravada 3.p40

3.p40

sadasadrūpayā^(na tu sadasadavilakṣaṇayā)ca asau guṇamayyā aguṇo vibhuḥ. tayā vilasiteṣu eṣu guṇeṣu guṇavāniva antaḥpraviṣṭaḥ ābhāti vijñānena vijṛmbhito, tathāhi avahito vahniḥ dāruṣu ekaḥ svayoniṣu nāneva bhāti viśvātmā bhūteṣu ca tathā pumān. asau guṇamayaiḥ bhāvaiḥ bhūtasūkṣmendriyātmabhiḥ svanirmiteṣu nirviṣṭo bhuṃkte bhūteṣu tadguṇān. bhāvayati eṣa sattvena lokān vai lokabhāvano līlāvatārānurato devatiryaṅ-narādiṣu. jagṛhe pauruṣaṃ rūpaṃ bhagavān mahadādibhiḥ sambhūtaṃ ṣoḍaśakalam ādau lokasisṛkṣayā. yasya ambhasi śayānasya yoganidrāṃ vitanvato nābhihradāmbujād āsīd brahmā viśvasṛjāṃ patiḥ" (bhāga.purā.1|3-4|30-2). (kha/2)“tamomātrām upādāya pratisaṃruddhavikramaḥ kālena anugatāśeṣaḥ āste tūṣṇīṃ dinātyaye. tameva anvapidhīyante lokāḥ bhūrādayaḥ trayo, niśāyām anuvṛttāyāṃ nirmuktaśaśibhāskaraṃ trilokyāṃ dahyamānāyāṃ śaktyā saṃkarṣaṇāgninā... tāvat tribhuvanaṃ sadyaḥ kalpāntaidhitasindhavaḥ plāvayanti utkaṭāṭopa-caṇḍavāteritormayaḥ antaḥ sa tasmin salile āste anantāsano hariḥ yoganidrānimīlākṣaḥ” (bhāga.purā.3|11|27-31).