Vadavali 3.1-8

3.1-8

atredaṃ vicāryate | śaṅkhacakrādidhāraṇaṃ brāhmaṇādīnāṃ sarveṣāṃ kartavyaṃ
śūdrāṇāmeva veti | kimatra yuktam ? | śūdrāṇāmeveti | kutaḥ 'śaṅkhacakrādyaṅkanaṃ ca nṛtyagītādikaṃ tathā | ekajāterayaṃ dharmo na jātu
syāddvijanmanaḥ | śaṅkhacakraṃ mṛdā yastu kuryāttaptāyasena vā
sa śūdravadbahiṣkāryaḥ sarvasmāddvijakarmaṇaḥ | yathā smaśānajaṃ
kāṣṭhamanarhaṃ sarvakarmasu | tathā cakrāṅkito vipraḥ sarvakarmasu
garhita' iti viṣṇuvākyeṣu śaṅkhādidhāraṇasya śūdradharmatāvyavasthāpanapūrvakaṃ dvijātidharmatāniṣedhāt | dhāraṇe karmabahiṣkāragarhayoḥ smaraṇācca | na ca 'śaṅkhādicihnarahitaḥ pūjāṃ yastu samācaret
niṣphalaṃ pūjanaṃ tasya hariścāpi na tuṣyatī'tyādivākyeṣvavadhāraṇe pratyavāyasmaraṇāttannityamiti vihitapratiṣiddhatvādaicchiko vikalpa
iti vācyam | īdṛśāṃ sāmānyavacasāmekajāterayaṃ dharma ityanenopasaṃhārādasyaicchikavikalpā'prasañjakatvāt | na ca niṣedhasya prāptipūrvakanityatve sati pūjāṅgatvopavītā'tideśataḥ
kevale sedhataḥ śiṣṭairdhāryaṃ śaṅkhādikaṃ mṛdā