Bhaktihamsa 3.2.p1

3.2.p1

iti śrīmadgopījanavallabhacaraṇaikatānaśrīviṭhṭhaleśvaraviracito
bhaktihaṃsaḥ
samāptaḥ
bārābaṅkītināmni prathitajanapade puṇyasāketasīmni,
śākadvīpīyavipreṣu vijayanagare'bhūd bharadvājagotraḥ
śambhorbhaktaḥ bhavānīpadayugamadhuliṅ viṣṇupādānuraktaḥ,
lakṣmīnārāyaṇākhyaḥ suviditamahimā rājamānyo manīṣī
sūnostasyātmajanmā vimalamatirumāśaṅkarasya dvitīyaḥ,
miśraḥ kedāranāthaḥ sahṛdayahṛdayo'dhyāpako darśanānām
hindūnāṃ prāṇabhūte smaraharanagarīviśvavidyālaye'smin,
vyākhyāmenāṃ svatuṣṭyai vyalikhadatimudā bhaktihaṃsasya navyām
āpaugaṇḍātpitṛvadaniśaṃ poṣayan premapūrvam,
kartuṃ yo mām upacitaguṇaṃ sarvayatnāñcakārṣīt
santuṣṭaḥ syād anujalikhitāṃ vīkṣya ṭīkāṃ navīnām,
agrejātaḥ sukavigirijāśaṅkaro miśra enām
bāṇāṅkavasubhūvarṣe pūrṇimāyāmiṣe śake
bhaktihaṃsavivekākhyā vyākhyeyaṃ pūritāmitā
śrīkṛṣṇārpaṇamastu