Vidvanmandana p396
Vidvanmaṇḍana p396
- Language
- Sanskrit
p396
yatayo vītarāgāḥ | yadicchanto brahmacaryaṃ caranti tatte padaṃ saṃgraheṇa pravakṣya' ityupakramyākṣarasvaprāptyupāyau nirūpya, svaprāptau ca viśeṣamuktvā punarbhagavatocyate—'avyaktādvyaktayaḥ sarvāḥ prabhavantyaharāgame | rājyāgame pralīyante tatraivāvyaktasaṃjñake | bhūtagrāmaḥ sa evāyaṃ bhūtvā bhūtvā pralīyate | rājyāgame'vaśaḥ pārtha prabhavatyaharāgame | parastasmāttu bhāvo'nyo'vyakto vyaktātsanātanaḥ | yaḥ sa sarveṣu bhūteṣu naśyatsu na vinaśyatī'tyādi | etadante ca 'puruṣaḥ sa paraḥ pārtha bhaktyā labhyastvananyaye'tyuktvā parasya lakṣaṇamucyate 'yasyāntaḥsthāni bhūtāni yena sarvamidaṃ tata'miti | atra ca yatsarveṣu bhūteṣu naśyatsvapi svayaṃ na naśyati tasyaiva lakṣaṇaṃ 'yasyāntaḥsthāni bhūtāni yena sarvamidaṃ tata'mitipadenoktam | etallakṣaṇavattvaṃ ca mṛtsābhakṣaṇajṛmbhaṇādilīlānirūpaṇaprastāve pakṣāntaranirāsapūrvakaṃ bhagavato dṛśyasvarūpasyaiva naisargikadharmatvena daśamaskandha eva nirūpitam
Linked texts (2)
- Vulgate (Nīlakaṇṭha's text) — Sanskrit
- Critical edition (BORI, Bhīṣmaparvan 23–40) — Sanskrit