Advaitamoda 29
Advaitāmoda 29
- Language
- Sanskrit
Contents
- 29.9 — 1 part
29.1
karmāndhībhūtacetovigalitanijasattvānusaṃdhānaśaktirlokaḥ prāyeṇa saṃpratyayamavanitale karmapāśena baddhaḥ
dṛṣṭvedaṃ prāptakālaṃ manasi kṛtavatā gumphito nūnamārādadvaitāmoda eṣa prabhavatu sutarāṃ mohajālāpahuttyai
29.2
āsītpuṇyapure purā khalu sudhīḥ śrīnīlakaṇṭhābhidhastyatte ityupanāmakānvayabhavaḥ śāstreṣu pāraṃ gataḥ
nāgojītipadābhidheyaviduṣo'ntevāsitāṃ dhārayanvāḷaṃbhaṭṭa uruprathaḥ paramamaṃstainaṃ muniṃ pāṇinim
29.3
tasmāllabdhasamastavidya udabhūdbhyaṃkaropāhvayaḥ
śrīmadbhāskarapaṇḍito yamakhilaṃ jānāti lokatrayam
munyākāśāsunīndu (1707) vatsara imaṃ lokaṃ svalaṃkṛtya yo'dhyāpya cchātragaṇaṃ yugāṅkamunibhū (1794) śāke śarīraṃ jahau
29.4
raktaṃ pāṇitale'nuraktamamale sarveśvare śaṃkare
saktaṃ śāstravicāraṇe nijagurau bhaktiprabhāvānvitam
saṃsāre'tiviraktamāntaramahāmohāghavidhvaṃsakaṃ
dṛṣṭvā bhāskarapaṇḍitaṃ bhuvi jano mene vasiṣṭhaṃ param
29.5
tacchātreṣu prathama udagādrāmaśāstrīti nāmnā
pūjyenālaṃkṛtavapurasau sadguroḥ prāṇabhūtaḥ
yaḥ pūtātmā pravacanapaṭuḥ klāntagātraṃ vinīto
niṣkāmo'dhyāpayadavirataṃ chātraśālāṃ viśālām
29.6
yatrāhaṃ nivasāmi pīḍayati māṃ śrīrityamuddridhayā
vāgdevyā nilayaṃ sthiraṃ kamalabhūḥ saṃyācito'bhūddhruvam
putrīsneharasānuṣaktahṛdayaḥ śrīgarvasarvaṃkaṣaṃ
prākārṣīccamupadmamekamamulaṃ vairāgyapāṇḍityayoḥ
29.7
tacchātrāntarbhūtastadrūpautrastadaṅghribhṛtacittaḥ
abhyaṃkaratyupāvhastatpreraṇayaiva saṃpravṛttamanāḥ
29.8
advaitāmodamamuṃ sadgurupādāmbuje'rpayanbhaktyā
vidadhāti vāsudevaḥ svajanuḥsāphalyakāmanāmaniśm
29.9
advaitāmodanāmāsau nibandhaḥ sudhiyāṃ mude
vyadhāyi vāsudevenāṅkagagnivaścindu ( 1849 ) vatsare
29.9.p1
iti śrīmadvidvanmukuṭaratnabhāskaraśāstryantevāsisakalavidyāpāradṛśvarāmaśāstricchātreṇa taccaraṇaprasādalabdhajñānalavaprotsāhitenābhyaṃkaropāvhavāsudevaśāstriṇā viracito'dvaitāmodaḥ
samāptimagamat