Aphorisms on Brahman 2.5

Brahmasūtrabhāṣya of Bhāskara 2.5

Language: Sanskrit

2.5

na pradhānaṃ jagatkāraṇamaśabdaṃ hi tat | na vidyate śabdaḥ śrutiryasya tadaśabdaṃ kasmādīkṣaterīkṣaṇaśravaṇāt tadaikṣata bahu syāṃ prajāyeyeti | īkṣateriti dhātvarthanirdeśo lakṣaṇayā na dhātunirdeśo yathetikartavyatāvidheryajateḥ pūrvavattvam | īkṣaṇaṃ paryālocanamadhyavasāyaḥ pratyakṣaṃ tadacetanasya nopapadyate |
atrāha gauṇamīkṣaṇaṃ bhaviṣyatyacetane 'pi cetanavadupacāradarśanāt | yathā āsannapatanaṃ kūlamālakṣya kūlaṃ pipatiṣatīti prayujyate tathā pradhāne pratyāsannasarge niyamena pravṛttimālokya cetanopacāro bhaviṣyati | bhavati cehāpyacetanayostejasorupacāraḥ tat teja aikṣateti(2)| tasmādgauṇamīkṣaṇam | atra pratividhyate |

Previous: 2.4.7
Next: 2.6
Up: 2

Linked texts (1)

Brahmasūtra — Bādarāyaṇa, Sanskrit