Shribhashya 6.2-41

6.2-41

19
itaśca kṣaṇikatvapakṣe jagadutpattirnopapadyate; uttarakṣaṇotpattivelāyāṃ pūrvakṣaṇasya vinaṣṭatvāt tasyottarakṣaṇaṃ prati hetutvānupapatteḥ, abhāvasya hetutve sarvaṃ sarvatra sarvadotpadyata | atha pūvakṣaṇavartitvameva hetutvamityucyate, evaṃ tarhi kaścideva ghaṭakṣaṇastaduttarakālabhāvināṃ sarvepāmeva gomahipāśvakuḍya pāpāṇādīnāṃ trailokyavartināṃ hetuḥ syāt | athaikajātīyasyaiva pūrvakṣaṇavarttino hetutvamiṣyate, tathā'pi sarvadeśavarttināmuttarakṣaṇabhāvināṃ ghaṭānāmeka eva pūrvakṣaṇavartī ghaṭo hetuḥ syāt | athaikasyaiva hetureka iti manuṣe, tathā'pi kasyaikasya ko heturiti na jñāyate | atha yasmindeśe yo ghaṭakṣaṇaḥ sthitastaddeśasambandhina evottaraghaṭakṣaṇasya sa heturiti, kiṃ deśasya sthiratvaṃ manuṣe; kiñca cakṣurādi saṃprayuktasyārthasya jñānotpatti kāle anavasthitatvāt na kasyācidarthasya jñānaviṣayatvaṃ sambha-vati || 19 ||