Nayamayukhamalika 3.12.22.p1

3.12.22.p1

stutividhiprasaṅgādidamadhikaraṇam| chāndogye- ’omityetadakṣaramudgīthamupāsīte’tyupakramya śrūyate- ’eṣāṃ bhūtānāṃ pṛthinīrasa- pṛthivyā āpo raso'pāmoṣadhayo rasa oṣadhīnāṃ puruṣo rasa- puruṣasya vāgraso vāca ṛgrasa ṛcassāmarasa ssāmra udgītho rasassa rasānāṃ rasatamaḥ paramaḥ parārdhyo'ṣṭamo yadudgītha’ iti| itaṃ rasatamatvādipratipādanaṃ prakṛtodgīthastutyarthaṃ uta tasmin rasatamatvādiddaṣṭividhānārthamiti stutivākyachāyāpattyapūrvatvābhyāṃ saṃśaye pūrvapakṣaḥ| ’iyameva juhūḥsvargo loke āhavanīya’ ityādiṣu juhvāderiva karmāṅgasyodgīthasya upādānāttadvadeva stutyarthatvam| na ca karmāṅgopādānamātreṇa stutryathatve ’parṇamayī juhūrbhavati hiraṇmayyassruco bhavantī’tyāderapi stutyarthatvaprasaṅgaḥ| vidhyayogyatvenāpi viśeṣaṇāditi| tatra juhvādividherivātra karmakāṇḍagatasyodgīthavidhessannidhānābhāvāt aprāptarasatamatvādiddaṣṭividhireva yuktaḥ| upāsīteti vidhipratyayasyāpi sattvāditi siddhāntaḥ||