Tattvatraya p68

p68

प्राविशन्, ओषधिवनस्पतयो लोमानि भूत्वा त्वचं प्राविशन्, चन्द्रमा मनो भूत्वा हृदयं प्राविशत्, मृत्युरपानो भूत्वा नाभिम्प्राविशत्, आपो रेतो भूत्वा शिश्नम्प्राविशन्” इत्युक्तप्रकारेण देवाधिष्ठितत्वाद्देवशब्दवाच्यानीन्द्रियाण्येकादश राजसाहङ्कारकार्याणीति केचनाहुः। केचित्सात्त्विकाहङ्कारकार्याण्याहुरित्युक्त्वा तत्र सात्त्विकाहङ्कारकार्याणीति पक्षस्यैव स्वपक्षत्वेन श्रीपराशरेण भगवता निश्चितत्वादेवमेतदुक्तेर्न विरोधः । इन्द्रियाण्येकादशेति नियमो न व्यष्टिविषयोऽपि तु समष्टिविषयः ।