Virodhanirodha 2.p88

2.p88

nanu jainabhage satvāsatvayorekasminvirodhāt saptabhaṃgī nirākṛtā | tatkathamekasminneva brahmaṇi viruddhamaparicchedaṃ paricchedaṃ ca aṅgīkṛtya upāsyatā vyavasthāpyate ? nahi parairiva eka tāttvikamanyadatātvikaṃ tvayā iṣyate yena avirodhassyāt | naca 'aṇoraṇīyān mahato mahīyān' iti śrutipramitatvādubhayāṅgīkāraḥ ; vastuno dvairūpyāyayogena śrutyā'pi tatpratipādanāsambhavāt nahi tāttvika parasparaparipanthi dharmadvaya śrutirapi ekatra pratipādayitu śaktā ti ? aśakyasyārthasya vedatātparyaviṣayatvāyogāt | ato grāvaplavaṇavat brahmaṇaḥ paricchinnatvāparicchinnatve na śrutiprameya iti śrutirūpacaritārthā'ṅgīkarttavyeti cet-- satyam ; mahattvasya svābhāvikatvena aṇutvasya hṛdayāvacchedaupayi katvenādoṣatvāt | tadetat sūtrakāra evāha- 'arbhakaukasvāttadvyapadeśācca neticenna nicāyyatvādeva vyomavacca' iti | atrahyalpasthānatvādalpatvaśra vaṇācca paricchinnatvābhāvamāśaṅkya 'evaṃnicāyyatvāditi' upāsanārthaṃ hṛ dayādyupādhikāmidamalpatvam vyomavat | vaipulyāmnānaṃ tu upāsanānupayogi tvāt svābhāvikam ; ato na dvayorvirodhaḥ | aupādhikasya svābhāvikadharmāvirodhāt