Yogasarasangraha p57
Yogasārasaṅgraha p57
- Language
- Sanskrit
p57
“karmaṇā badhyate janturvidyayā ca1 vimucyate | tasmātkarma na kurvanti yatayaḥ pāradarśinaḥ ||” iti | anugītāyāṃ ca— “apetavratakarmā tu kevalaṃ brahmaṇi sthitaḥ | brahmabhūtaścaram̐lloke brahmacārīti kathyate || brahmaiva samidhastasya brahmāgnirbrahma viṣṭaraḥ | āpo brahma gururbrahma sa brahmaṇi samāhitaḥ ||” iti | gāruḍe ca— “āsanasthānavidhayo na yogasya prasādhakāḥ | vilambajananāḥ sarve vistarāḥ parikīrtitāḥ | śiśupālaḥ siddhimāpa smaraṇābhyāsagauravāt ||” iti | atra bāhyakarmaṇāmeva yogāntarāyatvāt2 tyāgo vivakṣito na tvāntarasya
Linked texts (1)
- Garuḍapurāṇa — Vyāsa, Sanskrit