Yogasarasangraha p84

p84

upavāsaparākādikṛcchracāndrāyaṇādibhiḥ | śarīraśoṣaṇaṃ prāhustāpasāstapa uttamam || vedāntaśatarudrīyapraṇavādijapaṃ budhāḥ | sattvaśuddhikaraṃ puṃsāṃ svādhyāyaṃ paricakṣate || svādhyāyasya trayo bhedā vācikopāṃśumānasāḥ | uttarottaravaiśiṣṭyaṃ prāhurvedārthavādinaḥ || yaḥ śabdabodhajananaḥ pareṣāṃ śṛṇvatāṃ sphuṭam | svādhyāyo vācikaḥ prokta upāṃśoratha lakṣaṇam || oṣṭhayoḥ spandamātreṇa parasyāśabdavodhakaḥ | upāṃśureṣa nirdiṣṭaḥ sāhastro vācikājjapaḥ || yatpadākṣarasaṃgatyā parispandavivarjitam | cintanaṃ sarvaśabdānāṃ mānasaṃ taṃ japaṃ viduḥ || yadcchālābhato nityamalaṃ puṃso bhavediti | yā dhīstāmṛṣayaḥ prāhuḥ saṃtopaṃ sukhalakṣaṇam