Yogasutra 5.2
Rājamārtaṇḍa 5.2
- Language
- Sanskrit
5.2
idānīṃ vipratipattisamutthabhrāntinirākaraṇena yuktyā kaivalyasvarūpajñāpanāya kaivalyapādo+ayamārabhyate| tatra yāḥ pūrvamuktāḥ siddhayastāsāṃ nānāvidhajanmādikāraṇapratipādanadvāreṇaivaṃ bodhayati --- madīyā yā etāḥ siddhayastāḥ sarvāḥ pūrvajanmābhyastasamādhibalājjanmādinimittamātratvenā+a+aśritya pravartante| tataścānekabhavasādhyasya samādherna kṣatirastītyāśvāsotpādanāya samādhisiddheśca prādhānyakhyāpanārthaṃ kaivalyopayogārthaṃ cāha --- janmauṣadhimantratapaḥsamādhijāḥ siddhayaḥ ||kaivalya 1||
5.1.1
vṛttiḥ --- kāścana janmanimittā eva siddhayo yathā pakṣyādīnāmākāśagamanādayaḥ| yathā vā kapilamaharṣiprabhṛtīnāṃ janmasamanantaramevopajāyamānā jñānādayaḥ sāṃsiddhikā guṇāḥ| oṣadhisiddhayo yathā pāradādirasāyanādyupayogāt| mantrasiddhiryathā mantrajapāt keṣāṃcidākāśagamanādiḥ| tapaḥsiddhiryathā viśvāmitrādīnām| samādhisiddhiḥ prākpratipāditā| etāḥ siddhayaḥ pūrvajanmakṣayitakleśānāmevopajāyante| tasmāt samādhisiddhāvivā+anyāsāṃ siddhīnāṃ samādhireva janmāntarābhyastaḥ kāraṇm| mantrādīni nimittamātrāṇi ||1||
5.2.1
nanu nandīśvarādikānāṃ jātyādipariṇāmo+asminneva janmani dṛśyate| tat kathaṃ janmāntarābhyastasya samādheḥ kāraṇatvamucyata ityāśaṅkyāha ---
Linked texts (1)
- Yogasūtra — Patañjali (author of the Yogasūtra), Sanskrit