Nyayavinishcaya v1.p18
Nyāyaviniścayavivaraṇa v1.p18
- Language
- Sanskrit
v1.p18.1
karane se lie samavāya nāma kā svatantra padārtha mānanā par̤ā| jala meṃ gandha kī agni meṃ rasa kī aura vāyu meṃ rūpa kī anubhūti dekhakara pṛthak pṛthaka dravya māne| para vastutaḥ vaiśeṣika kā pratyaya ke mādhāra se svatantra padārtha mānane kā siddhānta hī galata hai| pratyaya ke ādhāra se usake viṣayabhūta dharma to judā judā kisī taraha māne jā sakate haiṃ, para svatantra padārtha mānanā kisī taraha yuktisaṃgata nahīṃ hai| isa taraha eka ora vedāntī yā sāṃkhya ne kramaśaḥ jagat meṃ aura prakṛti meṃ abheda kī kalpanā kī vahām̐ vaiśeṣika ne ātyantika bheda ko apane darśana kā ādhāra banāyā| upaniṣat meṃ jahām̐ vastu ke kūṭasthanityatva ko svīkāra kiyā gayā hai vahām̐ ajita keśakambali jaise ucchedavādī bhī vidyamāna the| buddha ne ātmā ke maraṇottara jīvana aura śarīra se usake bhedābheda ko avyākaraṇīya batāyā hai| buddha ko ḍara thā ki yadi hama ātmā ke astitva ko mānate haiṃ to nityātmavāda kā prasaṅga ātā hai aura yadi ātmā kā nāstitva kahate haiṃ to ucchedavāda kī āpatti ātī hai| ataḥ unane ina donoṃ vādoṃ ke ḍara se use anyākaraṇīya kahā hai| anyathā unakā sārā upadeśa bhūtavāda ke viruddha ātmavāda kī bhitti para hai hī|
v1.p18.2
jaina darśana vāstava bahutvavādī hai| vaha ananta cetanatatva, ananta pudgaladravya-paramāṇurūpa, eka dharmadravya, eka adharmadravya, eka ākāśadravya aura asaṃkhya kālāṇudravya isa prakāra ananta vāstavika maulika akhaṇḍa dravyoṃ ko svīkāra karatā hai| dravya sat-svarūpa hai| pratyeka sat cāhe vaha cetana ho yā cetanetara pariṇāmī-nitya hai| usakā paryāyarūpa se pariṇamana pratikṣaṇa hotā hī rahatā hai| yaha pariṇamana arthaparyāya kahalātā hai| arthaparyāya sadṛśa bhī hotī hai aura visadṛśa bhī| śuddha dravyoṃ kī arthaparyāya sadā ekasī saraśa hotī haiṃ. para hotī hai avaśya | dharmadravya adharmadravya kāladravya ākāśadravya śuddhajīvadravya inakā pariṇamana sadā sahaśa hotā hai| pudgala kā pariṇamana sadṛśa bhī hotā hai visadṛśa bhī|
v1.p18.3
jīva aura pudgala ina do dravyoṃ meṃ vaibhāvika śakti hai aura isa śakti ke kāraṇa inakā visadṛśa parimana bhī hotā hai| jaba jīva śuddha ho jātā hai taba vilakṣaṇa pariṇamana nahīṃ hotā| isa vaibhāvika śakti kā svābhāvika hī pariṇamana hotā hai| tātparya yaha ki pratyeka sat utpāda vyaya dhābyaśālī hone se pariṇāmīnitya hai| do svatantra sat meṃ rahanevālā eka koī sāmānya padārtha nahīṃ hai| kevala aneka jīvoṃ ko jīvasva nāmaka sādṛśya se saṃgraha karake unameṃ eka jīvadravya vyavahāra kara diyā jātā hai| isī taraha cetana aura acesana do bhinnajātīya dravyoṃ meṃ 'sat' nāma kā koī svatantra sattāka padārtha nahīṃ hai| parantu sabhī dravyoṃ meṃ pariṇāminityatva nāma kī sadṛśatā ke kāraṇa 'sat,sat' yaha vyavahāra kara liyā jātā hai| aneka dravyoṃ meṃ rahanevālā koī svatantra sat nāma kā koī vastubhūta tattva nahīṃ hai| jñāna, rūpādi guṇa, utkṣepaṇa ādi kriyāem̐ sāmānya viśeṣa ādi sabhī dravya kī avasthāem̐ haiṃ pṛthak sattāka padārtha nahīṃ| yadi buddha isa vastusthiti para gaharāī se vicāra karate to isa nirūpaṇa meṃ na unheṃ ucchedavāda kā bhaya hotā aura na śāśvatavāda kā | aura jisa prakāra unane ācāra ke kṣetra meṃ madhyamapratipadā ko upādeya batāyā hai usī taraha ve isa bhanantadharmā vastutattva ke nirūpaṇa ko bhī pariṇāminityatā meṃ ḍhāla dete|
v1.p18.4
syādvāda-jainadarśana ne isa taraha sāmānyarūpa se yāvat sat ko pariṇāmīnitya mānā hai| pratyeka sat anantadharmātmaka hai| usakā pūrṇarūpa vacanoṃ ke agocara hai| anekānta artha kā nirduṣṭarūpa se kathana karane vālī bhāṣā syādvāda rūpa hotī hai| usameṃ jisa dharma kā nirūpaṇa hotā hai usake sātha 'syāt' śabda isalie lagā diyā jātā hai jisase pūrī vastu usī dharma rūpa na samajha lī jāya| avivakṣita śeṣadharmoṃ kā astitva bhī usameṃ hai yaha pratipādana 'syāt' śabda se hotā hai| syādvāda kā artha hai-syāt-amuka niścita apekṣā se | amuka niścata apekṣā se ghaṭa asti hī hai bhaura amuka niścata apekṣā se ghaṭa nāsti hī hai| syāt kā artha na to śāyada hai na saṃbhavataḥ aura na kadācit hī| 'syāt' śabda suniścita dhṛṣṭikoṇa kā pratīka hai| isa śabda ke artha ko purāne matavādī darśanikoṃ ne īmānadārī se samajhane kā prayāsa to nahīṃ hī kiyā thā kintu āja bhī vaijñānika aṣṭi kī duhāī dene vāle darśanalekhaka usī prānta paramparā kā poṣaṇa karate āte haiṃ|