Nyayavinishcaya v1.p32.2

v1.p32.2

pūrṇasatya to vastu kā anekāntātmaka rūpa se darśana hī hai na ki kālpanika abheda kā darśana | isī taraha pro. baladeva upādhyāya isa syādvāda se prabhāvita hokara bhī sara rādhākṛṣṇan kā anusaraṇa kara syādvāda ko mūlabhūtatattva (eka bahma ?) ke svarūpa ke samajhane meṃ nitānta asamartha batāne kā sāhasa karate haiṃ | inane to yahām̐ taka likha diyā hai ki isī kāraṇa yaha vyavahāra tathā paramārtha ke bīcoṃbīca tatvavicāra ko katipaya kṣaṇa ke lie visrambha tathā virāma dene vāle viśrāmagṛha se bar̤hakara adhika mahattva nahīṃ rakhatā|" (bhāratīya darśana pṛ0 173 )| āpa cāhate haiṃ ki pratyeka darśana ko usa kālpanika abheda taka pahum̐canā cāhie| para syādvāda java vastuvicāra kara rahā hai taba vaha paramārtha sat vastu kī sīmā ko kaise lām̐gha sakatā hai ? brahmaikavāda na kevala yuktiviruddha hī hai para āja ke vijñāna se usake ekīkaraṇa kā koī vāstavika mūlya siddha nahīṃ hotā | vijñāna ne eṭama taka kā viśleṣaṇa kiyā hai aura pratyeka kī apanī svatantra sattā svīkāra kī hai| ataḥ yadi syādvāda vastu kī anekāntātmaka sīmā para pahum̐cākara buddhi ko virāma detā hai to yaha usakā bhūpaga hī hai| dimāgī abheda se vāstavika sthiti kī upekṣā karanā manorañjana se adhika mahattva kī bāta nahīṃ ho sakatī| isī taraha śrīyuta hanumantarāva ema. e. ne apane "Jain Instrumental theory of Knowledge" nāmaka lekha meṃ likhā hai ki-"sthādvāda sarala samajhaute kā mārga upasthita karatā hai. vaha pūrṇa satya taka nahīṃ le jātā|" ādi|