Nyayavinishcaya 10.30

10.30

nanu yāvadatadarthavyāvṛttyā niyatārthatvaṃ jñānasya tāvadatadākāravyāvṛttyaiva kasmānna
bhavati ? atadākāravyāvṛttirnāma tadākāratvameva, tacca na kvacidapyupalabhyate, tatkathaṃ tena
niyatārthatvaṃ khapuṣpeṇai (ṇe) veti cet; na; anyatrāpi tulyatvāt | atadarthavyāvarttanamapi tadābhimukhyameva tenāpi kathaṃ niyatārthatvaṃ tasyaivādarśanāt | aprāptadarśanamapi arthapratipattannanyathānupapattyā
parikalpyata iti cet; na; pratikarmaniyamasyānyathānupapattyā tadākāratvasyāpi parikalpanāt | 'kutastasyāpi niyamaḥ niyamavikalān pratikarmaniyamānupapatteḥ ?' ityapi na yuktaḥ praśnaḥ; tadābhimukhye'pyevaṃ praśnāpatteḥ | śaktistastu (śaktistu) na tatraiva pakṣapātamudrahati | tato yathākāravato
nārthavedanaṃ tadanyato'pi na bhavet | tulyadoṣatatparihāratvāt iti utsād eva bahirarthasya | sa
cābhipreta pannādvaitavādinaḥ | na hi saṃvedanasyānyat vedyam uktadoṣāt | tata eva na tain anyasya
vedyamiti svaprakāśameva tadavaśiṣyeta | taduktam"nānyo'nubhāvyo buddhyāsti tasyā nānubhavo'paraḥ
tatrāpi tulyacodyatvātsvayaṃ saiva prakāśate ||" [pra0vā0 2|327]
atrākṣepasamādhīnāmabhede nūnamākulam