Nyayavinishcaya 10.46

10.46

prāyaśo'nyavyavacchede pratyagrānavabodhataḥ | iti
kathamevaṃ pratyabhijñādeḥ prāmāṇyaṃ' pratyakṣapratipannaviṣayatvenāpūrvārthatvābhāvāt , apūrvārthañca bhavatāṃ pramāṇam "pramāṇamanadhigatārthādhigamajñānam" [ ] iti 'vacanāditi cet? atrāha-anyavyavacchede itiṃ| anyat ekatvādekāntikaṃ nānātvaṃ sādṛśyācca
vailakṣaṇyamadhyāropitaṃ tasya vyavacchedo nirāsastasmin , tannimittaṃ yaḥ pratyagrānavabodhastata
iti | etaduktaṃ bhavati-pratyakṣapratipannasyāpi samāropavyavacchedaviśiṣṭatayā pratyabhijñānādinā
pratipatteḥ kathañcidapūrvārthameva tat tataśca pramāṇamanumānavaditi | tathā ca sūktaṃ cūrṇau devasya
vacanam"samāropavyavacchedāt pramāṇamanumānavat
smṛtyāditarkaparyantaṃ liṅgajñānanibandhanam ||" [ ] iti
avijñātatathābhāvasyābhyupāyavirodhataḥ