Devimdatthaa 3: Vāṇavyantara adhikāra

Deviṃdatthaa 3

pisāya 1 bhūyā 2 jakkhā 3 ya rakkhasā 4 kinnarā 5 ya kiṃpurisā 6 |
mahoragā 7 ya gaṃdhavvā 8 aṭṭhavihā vāṇamaṃtariyā ||

ete u samāseṇaṃ kahiyā bhe vāṇamaṃtarā devā |
patteyaṃ pi ya vocchaṃ solasa iṃde mahiḍḍhīe ||

kāle 1 ya mahākāle 2|1 surūva 3 paḍirūva 4|2 punnabhadde 5 ya |
amaravai māṇibhadde 6|3 bhīme 7 ya tahā mahābhīme 8|4 ||

kinnara 9 kiṃpurise 10 khalu 5 sappurise 11 ceva taha mahāpurise 12|6 |
aikāya 13 mahākāe 14|7 gīyaraī 15 ceva gīyajase 16|8 ||

sannihie 1 sāmāṇe 2|1 dhāya 3 vidhāe 4|2 isī 5 ya isivāle 6|3 |
issara 7 mahissare yā 8|4 havai suvacche 9 visāle ya 10|5 ||

hāse 11 hāsaraī vi ya 12|6 see ya 13 tahā bhave mahāsee 14|7 |
payae 15 payayavaī vi ya 16|8 neyavvā ānupuvvīe ||

uḍḍhamahe tiriyammi ya vasahiṃ uvaveṃti vaṃtarā devā |
bhavanā puṇa'ṇha rayaṇappabhāe uvarillae kaṃḍe ||

ekkekkammi ya juyale niyamā bhavanā varā asaṃkhejjā |
saṃkhijjavitthaḍā puṇa, navaraṃ eta'ttha nāṇattaṃ ||

jaṃbuddīvasamā khalu ukkoseṇaṃ bhavaṃti bhavanavarā |
khuḍḍā khettasamā vi ya videhasamayā ya majjhimayā ||

jahiṃ devā vaṃtariyā varataruṇīgīya-vāiyaraveṇaṃ |
niccasuhiyā pamuiyā gayaṃ pi kālaṃ na yāṇaṃti ||

kāle surūva puṇṇe bhīme taha kinnare ya sappurise |
aikāe gīyaraī aṭṭhete hoṃti dāhiṇao ||

maṇi-kanaga-rayaṇathūbhiya jaṃbūnayaveiyāiṃ bhavanāiṃ |
eesiṃ dāhiṇao, sesāṇaṃ uttare pāse ||

dasavāsasahassāiṃ ṭhiī jahannā u vaṃtarasurāṇaṃ |
paliovamaṃ tu ekkaṃ ṭhiī u ukkosiyā tesiṃ ||

esā vaṃtariyāṇaṃ bhavanaṭhiī vanniyā samāseṇaṃ |
suṇa joisālayāṇaṃ āvāsavihiṃ suravarāṇaṃ ||

Translations (2)