Devimdatthaa 4.84-91
Deviṃdatthaa 4.84-91
- Language
- Māhārāṣṭrī Prakrit
4.84
aṭṭhasae āsīe caṃdo taha ceva hoi uvaritale |
egaṃ dasuttarasayaṃ bāhallaṃ joisassa bhave ||
4.85
egaṭṭhibhāga kāūṇa joyaṇaṃ tassa bhāgachappannaṃ |
caṃdaparimaṃḍalaṃ khalu, aḍayālīsā ya sūrassa ||
4.86
jahiṃ devā joisiyā varataruṇīgīya-vāiyaraveṇaṃ |
niccasuhiyā pamuiyā gayaṃ pi kālaṃ na yāṇaṃti ||
4.87
chappannaṃ khalu bhāgā vicchinnaṃ caṃdamaṃḍalaṃ hoi |
aḍavīsaṃ ca kalāo bāhallaṃ tassa boddhavvaṃ ||
4.88
aḍayālīsaṃ bhāgā vicchinnaṃ sūramaṃḍalaṃ hoi |
cauvīsaṃ ca kalāo bāhallaṃ tassa boddhavvaṃ ||
4.89
addhajoyaṇiyā u gahā, tassa'ddhaṃ ceva hoi nakkhattā |
nakkhattaddhe tārā, tassa'ddhaṃ ceva bāhallaṃ ||
4.90
joyaṇamaddhaṃ tatto ya gāuyaṃ paṃca dhaṇusayā hoṃti |
gaha-nakkhattagaṇāṇaṃ tāravimānāṇa vikkhaṃbho ||
4.91
jo jassa u vikkhaṃbho, tassa'ddhaṃ ceva hoi bāhallaṃ |
taṃ tiguṇaṃ savisesaṃ tu parirao hoi boddhavvo ||
Translations (2)
- Deviṃdatthaa: Gujarati translation (Dīparatnasāgara, 2020) — Gujarati
- Deviṃdatthaa: Hindi translation (Dīparatnasāgara, 2019) — Hindi
Commentaries (2)
- Deviṃdatthaa: ṭīkānusārī vivecana — Muni Dīparatnasāgara 2000, Gujarati
- Devendrastavavṛtti — Sanskrit