Devimdatthaa 6.294-301
Deviṃdatthaa 6.294-301
- Language
- Māhārāṣṭrī Prakrit
6.294
suragaṇasuhaṃ samattaṃ savvaddhāpiṃḍiyaṃ anaṃtaguṇaṃ |
na vi pāvai muttisuhaṃ naṃtāhiṃ vaggavaggūhiṃ ||
6.295
na vi atthi mānusāṇaṃ taṃ sokkhaṃ na vi ya savvadevāṇaṃ |
jaṃ siddhāṇaṃ sokkhaṃ avvābāhaṃ uvagayāṇaṃ ||
6.296
siddhassa suho rāsī savvaddhāpiṃḍio jai havijjā |
naṃtaguṇavaggubhaio savvāgāse na māejjā ||
6.297
jaha nāma koi miccho nayaraguṇe bahuvihe viyāṇaṃto |
na caei parikaheuṃ uvamāe tahiṃ asaṃtīe ||
6.298
ia siddhāṇaṃ sokkhaṃ aṇovamaṃ, natthi tassa ovammaṃ |
kiṃci viseseṇitto sārikkhamiṇaṃ suṇaha vocchaṃ ||
6.299
jaha savvakāmaguṇiyaṃ puriso bhottūṇa bhoyaṇaṃ koī |
taṇhā-chuhāvimukko acchijja jahā amiyatitto ||
6.300
iya savvakālatittā aulaṃ nivvāṇamuvagayā siddhā |
sāsayamavvābāhaṃ ciṭṭhaṃti suhī suhaṃ pattā ||
6.301
siddha tti ya buddha tti ya pāragatta tti ya paraṃparagaya tti |
ummukkakammakavayā ajarā amarā asaṃgā ya ||
Translations (2)
- Deviṃdatthaa: Gujarati translation (Dīparatnasāgara, 2020) — Gujarati
- Deviṃdatthaa: Hindi translation (Dīparatnasāgara, 2019) — Hindi
Commentaries (2)
- Deviṃdatthaa: ṭīkānusārī vivecana — Muni Dīparatnasāgara 2000, Gujarati
- Devendrastavavṛtti — Sanskrit