Anekantajayapataka p777

p777

rthāvabodha ityanubhavaḥ sarvaprāṇabhṛtāṃ tadabhāve bodhānupapatteḥ' iti | devadattakāntetararūpacintāyāmanābhogavato bhojanamātrakathanametat, satyapyasminniṣṭārthāsiddheḥ | tathāhi-yadi nāma bodhaḥ śabdānuviddhaḥ, tataḥ śabdārthayostādātmyamiti kā'tropapattiḥ ? | anyacca bodhaśabdayorapi tādātmyaṃ vā syāt na vā | kiñcātaḥ ? | tādātmye śabdasyāpi bodhamātratāpattiriti tanmātravādasiddhiḥ | bodhasya vā'cetanatvaṃ śabdātmatvena, tathā cānubhavavirodhaḥ, cetanācetanatve ca śabdātmano nāmakaraṇaṃ jagadvaicitryasya | etena yaduktam-'āha ca śabdārthavit-vāgrūpatā cedutkrāmet' ityādikārikādvayaṃ tadapi pratyuktam, tulyayogakṣematvāditi | āha ca vādimukhyaḥ"bodhātmatā cecchabdasya na syādanyatra tacchrutiḥ | yad boddhāraṃ parityajya na bodho'nyatra gacchati ||"