Dvadasharanayacakra 665

665

tvayā taṭaḥ puṃliṅgaṃ prasavātmakatvāt puruṣavadityādi . na, liṅgavyavasthāpanahetvabhāvāt . prasavādīnāmekārthe sannidhibhāve vā sa pumāneva na syāt, strītvāt, devadattādivat . na strī, puṃstvāt . na tau, napuṃsakatvāt, itaravat . parvatanadībhavanaviṣayaṃ triliṅgatvaṃ viśiṣṭaviṣayamiti cet, na, pumādibhinnabāhvādyekaliṅgatvāt ardharcādiṣu ca viśeṣādarśanādaparihārāt . nanvekasya dṛṣṭaṃ triliṅgatvaṃ bhūtirbhavanaṃ bhāva iti . na, yadi vayaṃ loke dṛṣṭatvāt pratipadyāmahe taṭe dṛṣṭatvādeva kasmād na pratipadyāmahe ? tadeva durdṛṣṭam . api cedaṃ sādhyam--asāvapyeko'rtho bhāvo veti .