Lilavatisara p103

p103

kuru mitrāṇi mitrāṇi bandhūn bandhūn gurūn gurūn | svadharmadevakulikāḥ putrabhāṇḍāni vardhaya ||106 priya prasīda jīvema vayamabhyudayāśrayāḥ || ki kenāpi guṇenonaṃ bhūtale tāvakaṃ kulam ||107 iti priyāpriyālāpāmṛtavṛṣṭyā'pi pāpmanaḥ | edhāñcakāra paritastasya krodhadavānalaḥ ||108 raṇḍe tuṇḍaṃ ca muṇḍaṃ ca tavādyāpi na śikṣitam | matto'pi paṇḍitaṃmanyā yā śikṣādāyikā mama ||109 ityuktvā tāṃ gale dhatvā nītvā ca dvārasīmani | dhavārgalāprahāreṇa so'gniśarmā yamo'vadhīt ||110 sā tena vajraghātena prāṇairmuktā'patadbhuvi | hāhāravastu lokānāmuttasthe mukhagahavarāt ||111 hā ! dhaṣṭa duṣṭa pāpiṣṭha ! nikṛṣṭāniṣṭaceṣṭita ! | strīhatyayā'ticāṇḍāla śīghraṃ nirgaccha pattanāt ||112 iti nirbhatsitaḥ pauraiḥ sa tān hantumupasthitaḥ | yaṣṭimuṣṭipāṇighātaiḥ kuṭṭito mūṭakādhikam ||113|| yugmam tataḥ purāt sa nirgatya puramatsarabhāk kudhīḥ | praṣṭuṃ puravadhopāyamivāgāccaṇḍikāmaṭham ||114 tadā ca tasya pāpasya pāpaṃ draṣṭumivākṣamaḥ | dvīpāntaramagāt sūryaḥ prāsarat pāpavat tamaḥ ||115 yāmamātraṃ sa tatrāsthād raudradhyānī puropari | taddhyānapāpmanevātha śūcyabhedyaṃ tamo'bhavat ||116 pihitāsu pratolīṣu pure cājanasañcare || vidhyāpiteṣu . dīpeṣu jane supte'tinirbharam ||117 ārakṣeṣu pramatteṣu sa pāpaḥ pāpajāgarī | rathyākapāṭachidreṇa . kolavat prāviśat pure ||118|| yugmam srāk kalyapālacullīto'gni gṛhītvā'gniśarmakaḥ |
dvitreṣu tṛṇyāsthāneṣu svagatāvapi cikṣipe ||119 107.2. ° śrayā