Lilavatisara p106

p106

dvitīya utsāhaḥ
rannaḍī - kuto mamega bhāgyaśrīḥ kutaścedṛkkalā tava | yayā sāmantamukhyāṃstvamārādhya śriyamāpsyasi ||145 caṇḍādityaḥ - vīravikrāntapādānte'pūrvā rekhā'sti me'nayā | rājño'mukāt prāpya lakṣaṃ dattaṃ bhuktaṃ yadṛcchayā ||146 rannaḍī - bake haṃsakalā cet syābaṃbhramyeta na palvale | vīravrataṃ cet te bhaṭṭa bhaṭṭavat kimaṭāṭyase ||147 caṇḍādityaḥ - ā saṃgharṣavinaṣṭā'si nikṛṣṭā brahmaghātinī | rannaḍī - kimākrośasi nirmāna nirāśādhama māmiti ||148 caṇḍādityaḥ - re raṇḍe ruṣṭacāmuṇḍe mamāpasara dṛkpathāt | rannaḍī - āḥ pāpa śāpayogyo'si saṃstarādyāhi dūrataḥ ||149 ityuktvā somadevasya pucyā'sau pāṇinā hataḥ | caṇḍena caṇḍakopena sā mūrtyargalayā hatā ||150 palāyiṣṭa svayaṃ caṇḍāditya ādityapūrvataḥ | vaideśikānāṃ dhūrtānāṃ gatireṣaiva kaśmalā ||151 manye'smi somā jīvo'yaṃ caṇḍādityaḥ kathañcana | tena cakre'gniśarmātmarannaḍīvaraśodhanam ||152 tenārgalāprahāreṇa tatkaroṭirabhajyata | nānauṣadhaistatastasyāḥ sa vraṇo ruhyate sma na ||153 tadvedanābharākrāntāṃ rudatī rannaḍī bhaśam |
pitarau tatsamīpasthau dhīrayāmāsaturmuhuḥ ||154 146.1. pādāte 153.3. nānoṣadhai